咖哩味的1000亳克膠原蛋白~

膠原蛋白相信都無邊個女性唔知係美肌聖品啦…只知到佢可以幫助皮膚緊, 白,滑, 但真係無諗過同味道扯上任何關係…不過對於日本人真係無嘢係無可能的,…全新的低卡路里即食日本麵就係加入左1000亳克的海洋膠原蛋白, 同時有6款味道供應, 而卡路里只係一般即食麵的1/9咋..對於好似我尼D貪食,易肥又怕肥的人士真係一大發明…所以無意中見到SASA有試食招募,即刻參加, 而好好彩抽中左咖哩味, 一包共69KCAL已經係6款味道中最高KCAL的一款啦~

…好…準備開餐…..

1.     要先用熱水”泡麵”千萬唔好開火煮,因為高溫會破壞晒D膠原蛋白

2.     再將D調味料加入200ML的熱水

3.     然後將麵隔水放入2的湯中就OK啦

個樣都唔錯, 而且真係好大陣日式咖哩味, 味道亦都係同平時食會肥的咖哩係無咩分別都幾好味….而D麵由於係用蒟蒻同非基因改造的豆腐及豆乳製成, 所以都係爽口….不過要講一下就係如果我要靠佢做到減肥成效…真係..好有難度…因為食左好似無咩腹滿感…反而因為佢幾好味的關係相對刺激左味雷令我好想食更多嘢..起初我都以為我係為食啫其實係飽嘅..但1PM食左佢做LUNCH未到4PM我已經餓到胃痛..要唉TEA…結果我當日係食左更多份量的東西LAW….不過尼個都係我個人CASE啫..如果閣下唔係好似我咁擦得又咁懶,自己再花D心思加入一些健康的配料(即菜多肉少咁), 其實都應該係有效嘅, 不竟一餐要不過100KCAL都真係好少選擇咖咋, 而且仲要係食得落口覺得好味的, 更是少之又少~同埋減肥尼家嘢從來都係要付出同挨下先有成效咖啦