遲來的礦物粉試用~

其實礦物粉都唔係什麼新鮮事, 只不過是因為坊間對它的comments真係好不極端加上係開架式試上手的感覺實在令我一再卻步, 以至蹉跎到上星期尾係youtube睇到美容達人queeie的介紹, 就因為她的一句"礦物粉係你搽十成上面, 卸妝時卸返十成落嚟!"立即令我決心一試.

因為我本身d皮膚真係好易生粒粒, 鬼唔知唔化妝d皮膚會好d, 但素顏呢家嘢都係留返俾天生麗質嘅美女們吧~所以如果佢真係可以完全唔會被皮膚吸收的話那不是可以減輕的化妝對皮膚所做成的罪過嗎~

我心水係想買 Laura Mercier但又未知適唔適合自己唔捨得買咁貴, 於是就平平地試左另一隻queeie都話幾好的maybelline.

我選的是CO2 ROSE WHITE簡直係完全溶入我本身的膚色,白得嚟是帶很輕微的粉紅色,所以出來的效果膚色很自然很好看~(P.S附送的扁掃比原裝附設的掃更不好用)

我都試左3日, 感覺係唔錯嘅, 但當然係for makeup嘅範疇內佢係無可能取代傳統的foundation, 但作為日常返工想個樣好樣d氣息好d又唔想皮膚有太多負荷, 又想方便快捷,呢個係一個good choice.佢都ok遮到毛孔&淺印, 做到均勻膚色, 但它有一個很大的缺點-控油力不足, 到左下午2,3點就出了唔少面油, 但d粉依照貼的無甩但反晒光咁所以要印一印d油, 如果要去夜街就要補一補較好.

好多人可能都會好似我咁係開架試上手時覺得好乾wor~但原來試上面係好貼伏同自然, 呢個應該係因為我們一定會保養完先上粉, 所以面上有一定的油脂, 再加上稍後會再自然分泌出一些油脂,d礦物粉會再更貼.

呢個無加閃光燈, 係朝早影, 什麼遮瑕也沒有(包括眼圈也沒有遮), 只是搽完sofina的lotion-uv cut emulsion- 眼位/鼻位/ 額頭分別作局部base打底

我的秘訣就係用呢個係萬0買嘅肥仔掃係咁打圈上面,

但之前一定要係盒蓋到打圈掃掃掃夠和平均d礦物粉先~方法真係超簡單同神速P.S.嗰肥仔掃唔好一買就用, 要洗一次先好用