很水嫩的粉底尤如second skin

最愛試粉底的我, 今次我又試用新粉底了~老實講, 我個人對底妝不嬲都有點以價取人, 所以都頗肯洗錢買些貴價粉底!!!但經過今次的試用, 我發現原來百零蚊的粉底甚至比五佰幾蚊的粉底還要好用呢!!果然天然嘢同我係好夾咖, 我今次試用的就係bourjois最新引進的果療精美亮膚啫喱的底妝系列

我用緊的果療水亮粉或係53號色~非常自然的中間色, 當中的鮮果配方(荔枝, 杞子果, 石榴)可以瞬間活化肌膚加強肌膚的光感度, 提升亮澤色調, 持久度達16小時, 而1不得不提, 它超好推, 很貼面, 就算無搽base都不會乾!!!十分喜歡^^

而黑脈圈就用左果療水亮修正液的51號色, 一個比較明亮的色tone,質地完全不厚重, 而且頗保濕, 不會起乾紋,而且當中的覆盆子成份係有加速細胞組織循環, 而水果成份係更有效清除暗啞, 使肌膚剔透有光澤

因為它整體的效果用來都好水潤透亮, 我唔想浪費它好膚質的妝感, 所以我係用loose power前輕印上cream狀粉底, 營造自然的紅潤感

最後當然要定妝啦, 佢尼個創新的加強版果療礦物碎粉,將礦物粉末和果療成份互常結合出來的效果很具有健康膚色, 其實你都可以睇到佢d粉帶少少紅, 不過上面係很自然均勻的啞光效果!!同埋礦物粉最大的好處, 眾所周知不會阻塞毛孔!!!

不過有個小tips, 就係凡上礦物粉, 都係要用d挺身少少的掃, 打圈咁上面先會均勻自然!當然又唔洗專登買支新掃, 你只要用手指搽落d扼實個大碎粉掃頭2/3個位, d毛就自然會挺身d, 好易平均依附上面~

,

咁自然的妝感, 真係好似第2層皮膚咁, 完全唔覺厚, 但皮膚看上去卻是美美的!非常襯個nude妝, 好多人覺得nude妝眼影是沒有色的 ,其實最自然的nude妝, 眼影加少少橙色+啡色, 影相係最自然咖

~

如果有睇開我個blog, 我之前被稱讚皮膚好的濃妝的底妝亦都係用左尼set嘢化咖

愛美的大家都應該知道水果之所以有護膚功效, 莫過於它有大量維生素同具有抗氧化作用!!!所以尼set產品已經過100個消費者測試, 使用4週, 可增加69%以上的肌膚光彩度!!!!

係唔係好正呢, 化妝品上面竟然好似護膚品咁!!!有無咁神奇, 我就未確定, 不竟我只用了一週,, 不過可以肯定, 它上面的感覺係好舒服, 而且沒有生奇怪東西啊~所以它自然又被我放入outjob的化妝品箱內~

14-1-11OUTJOB

暗粒黑頭大掃除升級+新玩具玩妝

我的十大煩惱事, 暗粒一定佔一席位!我跟它的搏鬥血淚史可真不能盡錄!暗粒的透因在於角質層過厚,令毛孔堵塞而形成, 可是不知大家會否和我一樣已經很注重清潔, 也有定期做深層清潔, 但是黑頭粉刺仍是生的旺盛!所以搽幾多嘢, 皮膚都係缺水, 上粉都係唔貼呢?咁就要睇落去啦...

今次有幸出席clinique turnaround工作坊 又長進了不少護膚的知識

因為係晚上時份, 大會很貼心地準備食物~

令我更加明白到原來隨住年紀增長, 肌膚細胞分裂更生速度減慢, 所以角質屠的堆積快過我們皮膚的自我更生速度, 以至日常的護膚品也不能滲透肌膚, 日漸也變成角質層的一分子!就好似尼幅圖咁充滿角質層的表面是不平滑的, 但經過大掃除後, 外來的營養可以迅速滲透, 修復皮層~

原理如同用膠紙痴皮膚的小實驗, 當撕走膠紙時, 你會發現被貼的皮膚會比3白滑, 咁係因為膠紙痴走了皮膚上的角質層

大掃除當然唔少得深層清潔mask, 即場試了 Turnaround instant facial以高效更生成份配合圓珠磨砂粒子持續清理皮層，輕柔退走表皮角質，每星期使用2-3次，每次只需5分鐘，即可快速掃走暗啞；此外，透過專利註冊科技，更有效促進新陳代謝程序使肌膚看來更剔透明亮，膚色更自然均勻。其性質溫和，可每周使用，適合所有肌膚類型。

教完護膚, 仲有彩妝示範, 如何5mins化個靚妝出街~我對佢d化妝品都幾有興趣啊~

同場仲識到新朋友仔, 後生真係唔同d, 個個皮膚都好到爆, 羨慕!!!

深層清潔又不能日日做, 但皮膚更生又不夠快, 所以暗粒粉刺才會生生不息!!!要更治的方法, 只有一個就係要加快皮膚的更生!!!今次Clinique turnaround Concentrate Visible Skin Renewer就係針對到尼點啦!!!

蘊含多種高效能清理皮層成份，能促進肌膚進行不同層次的更生程序，加速新嫩細胞浮現，將煥膚技術由皮膚科醫生診所帶入您家中，使肌膚的內在光芒從容散發，達致前所未有的柔滑效果。

我親身試用了一星期令我最滿意的是它沒有像其他標榜有活膚攻生功能的產咕般, 會令底層的暗粒迫晒上面, 它真的令皮膚的表面光滑了許多, 原本毛孔較粗大, 有紅印的地方也平滑消退了不!! 平滑了的皮膚連上粉都貼d

除了可以試用到咁啱用的產品, 好開心我的化妝品中又有一些新玩具的加入!! clinique新出的mascara, 盒刷頭個支係專for下眼睫毛, 一用之下, 佢可以榮登成為我用過最好用的mascara, 基本上正常個支mascara因為佢個頭好修長, 已經非常好刷, 即使掃下眼睫毛, 我自己用都非常易掃出纖長睫毛, 不過果支短刷頭的真的更能刷出新記錄, 超易handle, 我已經將佢放左去我outjob用的化妝箱內, 等下次幫客人刷出迷人的下眼睫毛先

另1又試用左eyeliner 同新出滋潤亮彩唇膏筆
支eyeliner都幾好畫, 可以blend開但卻不易溶. 非常不俗

好得意的蠟筆形包裝，其色澤與內裡的唇膏筆一致。今季gloss已out, 唇膏is back, 軟膏狀的質感帶來持久色澤，但唔會好似gloss咁令, 好啱今竽個trend, 都幾持久滋潤保濕, 而顏色的選擇都幾大路易襯!而且佢係唔洗刨咖, 同一般唇膏一樣擰個底就ok~

就係咁我發現原來clinique除左skincare好用. d化1妝品都好用. 於是我用左尼幾款新玩具化左個妝呢~

新春大減價!!!AGAIN

item no. : VT001
呢絨拼皮背心

HK$239 激減至 HK$140

今年呢絨大熱!! 唔想Chanel Jacket咁lady, 呢件啱晒。散口邊+拼皮細節令成件衫型格十足^ ^

布料：呢絨+仿皮

尺碼：
均碼 胸圍82cm 衣長60cm

item no. : LG002
喱士印花legging

HK$99 激減至 HK$79

印花細緻極有層次, 為all black打扮增添型味sexy~尼款legging又係尖咀利時見到 ,起初有d擔心白色lace花紋會顯粗腿, 但原來着上又唔會wor, 可能同佢d花紋層次分明有關, 有pattern的leggings可以令素色打扮跳出平凡變得fashionable

布料：彈性poly

尺碼：
均碼 褲長93cm
顏色：圖片色

item no. : TP001
拼皮墊肩Tee
HK$129 激減至 HK$99
單穿已經好型!!着瘦人的剪裁!!! 腰位的拼皮, 就算加上外套, 也不會變沉悶。

布料：彈性人棉+仿皮

尺碼：
均碼 胸圍78-100cm 肩寬32cm 衣長59cm

顏色：
啡色

AC005 兩穿長流鬚圍脖
原價$160激減至hk$110(利時同期熱賣item)
尼款圍脖既可以作豐盈頸圈, 亦可以拉下就披肩, 長長的流鬚設計, 亦可以成為打扮的焦點~
加厚的羊毛混紡非常保暖有質量

只售淺灰 (仍有少量現貨）

讓肌膚一嘗極品黑珍珠!(新增youtube直擊)

大家知道嗎?世界上只有從珍貴罕有的法國深海鱘魚所粹取的魚子才擁有[黑珍珠]的美譽~而[黑珍珠]之所以咁矜貴, 係因為當中的活性基因可以極速直達細胞核心, 修復受損基因逾90%, 活醒細胞, 驅動肌膚迅速代謝和修復!!!就咁聽簡直好似返老還童的靈藥!!!...個樣keep住後生就個個都想咖啦...不過最吸引我的其實係我聽聞它可以修復凹凸洞呢!!!所以當我收到Ultima II的邀請, 連平日不請假出席EVENT的我都豪出我極其稀少的半日假偷走出席Ultima II 極致奢華魚子基因分享會!!!
如此名貴的產品, 大會專程邀請了名媛愛用的星級化妝師GARY CHUNG為大家介紹點善用尼SET SUPER CAVIAR DNA TM系列去保養肌膚~有名化妝師在場, 當然唔少得靚女MODEL...ANGELBABY的師妹-叮叮為我們示範

首先GARY指出最令一個女人看上去年老就是面上的虎紋, 建議可以用ULTIMA II純骨膠原眼膜敷在虎紋位置, 可以即使平復提升...不過真係好貴婦的用法呢~然後用極致魚子基因氛護面霜為我們分享了一套星級按摩手法, 祕訣是用手尖同埋全程均以按確為主, 拖拉只會用手掌心熱力沿骨骼線輕輕向上提拉, 完成後真的見到MODEL面上水潤亮澤!!!保養完當然要化返個靚妝~

名媛去虎紋大法by Gary Chung & 楊汀叮http://www.youtube.com/user/kaylam78#p/u/3/6MLkuE3DbuA

即時緊膚抗皺的按摩手法by Gary Chung & 楊汀叮http://www.youtube.com/user/kaylam78#p/u/2/YU5MH0g275s

Supreme Caviar DNA極致魚子基因修護面霜by Gary Chung http://www.youtube.com/user/kaylam78#p/u/0/DsYJ6B3Aqm8

GARY話今年興的妝容叫"SWEET NUDE"其實之前看雜誌已經知道, 是一種透出健康膚色的自然妝感!!所以重點當然在於個底妝啦~好皮膚就緊係必要條件!底妝的重點就要打得水潤透薄, 所以GARY 建議加入-2滴極致魚子基因面部修護精華去MIX粉底再用手指輕印上就可以令底妝貼服透薄, 而且上粉前我見GARY介用了ULTIMAL II的 BB CREAM打底毛, 尼個令我當場心動了, 很想敗回家, 好像很不錯呢, 可能是它帶有微PINK TONE的關係水潤之餘我見他幫MODEL用後有D紅粉菲菲很好氣息的樣子, 我知道它並不好貴, 好像$180到...遲些一定敗回家!!!...化完底妝, 只需加用古銅啡系眼影加強眼部輪廓再掃上粉紅色胭脂和唇膏, 一個美美的SWEET NUDE春夏妝容就完成啦~

2011最新春妝Sweet Nude by Gary Chung & 楊汀叮http://www.youtube.com/user/kaylam78#p/u/1/3xLaTE9KFdE

聽完詳盡的分享, 我仲帶埋支極致魚子基因面部修護精華回家呢, 首晚已急不及待的試用, 雖然它那麼補, 但很快吸受掉, 絕無半分油膩感! I like it^^

尼滴就係極之矜貴的精華....啫喱狀, 輕盈清爽的面部精華,分子微細迅速被肌膚吸收, 能深入細胞核心, 保護及修復受損基因, 推動基因激活重生, 徹底改善膚質, 明顯淡化皺紋, 提升面部緊緻輪廓, 令肌膚透亮無瑕, 回復柔軟細緻膚質!再配上貴婦級價錢 $980/50ml..女人到左一定年紀, 都係時候俾皮膚豪一豪!!!!

第2朝搽完它也學gary用它再mix粉底上妝, 果然很持妝!皮膚好好的樣子!!唔錯!!

我對尼支精華的期望並非要青春不老(當然如果真係咁, 都唔錯)我只希望佢真的可以修復到我面上以前爛面時留而的凹凸洞呢~

係度再一次謝謝 PR小姐邀請我出席尼次EVENT^^

進度表更新~

嘩嘩嘩~一係唔更新, 一更新就大躍進~ 我自己覺得簡直係完成左一大半~

婚禮日期　　　　　2011年8月3日 (星期三)

婚宴
地點　　　　　　　西港城-大舞台

場地佈置　　　　　大舞台提供-訂左主題婚宴(精美油畫架2個, 座地仿水晶燈, 英文名牌,蠟燭,全席檯花擺設, 豪華椅套, 華麗佈置, 3小時鋼琴師彈奏, 投影幕,投影機器影音設備) 再送露天証婚場(但我好似用唔到, 邊有人得閒晏晝嚟啦)

席前小食　　　　　酒席送席前2小時fruit punch

請帖　　　　　　　酒席提供 (未印)
結婚蛋糕　　　　　酒席送

紅酒　　　　　　　7月先搞

簽名布　　　　　　麥田送

簽名筆　　　　　　買左未diy

Wedding Logo   　　酒席提供
Table No. Card　   　(未整)
座位表　　　　　　未整
音樂　　　　　　　麻煩大少揀左

註冊
地點　　　　　　　大舞台

律師　　　　　　　劉啟興律師

結婚介指　　　　　已買

介指枕　　　　　　律師包

羽毛筆　　　　　　律師包

化妝&禮服
新娘化妝　　　　　my friend

頭飾　　　　　　　mua

奶奶外母化妝　　　friend

新娘婚紗晚裝　　　mee-wedding

新郎禮服　　　　　已定一套白色(bf collection-兆萬, 幾好service, 少東後生有sense), 仲欠一套黑色

婚紗晚裝鞋　　　　已買
裙褂鞋　　　　　　未買

男裝禮服鞋　　　　麻煩大少自己負責

GIRDLE　　　　   　satami

箍肚褲　　　　　　satami

奶奶衫　　　　　　大少負責

外母衫　　　　　　訂造/租

伴娘+姊妹裙　　　  訂造+自己design

兄弟呔　　　　　　未買

婚紗相&當日攝錄
第一輯婚紗相                 　　3v (等拎成品)

第2輯婚紗相                           麥田

拍攝日期                         3-3-2011

婚禮攝影&錄影　　 luntang photo

成長片段　　　　　攝影包

花車&花飾
租花車　　　　　　揀左未定
花車佈置　　　　　租車包

結婚當日花球　　　麻煩大少負責

主禮人襟花　　　　未買
兄弟襟花　　　　　未定

姊妹手花　　　　　未定

西餅卡　　　　　　未定

過大禮&回門
過大禮日期　　　　未定
過大禮用品　　　　包羅萬有利是
回門日期　　　　　結婚當日上午

其他
上頭用品　　　　　買左

新睡衣　　　　　　只欠男裝

囍字貼　　　　　　買左
男女家對聯　　　　買左
Cushion　　　　　  買左
紅傘　　　　　　   買左

斟茶用具　　　　     買左

利是封　　　　　　買左

囍字小貼紙　　　　買左
回禮小禮物　　　　即日派相(攝影包埋)

兄弟姊妹團
伴郎　　　　　　　未定

伴娘　　　　　　　表妹

兄弟團　　　　　　己定

姊妹團　　　　　　已定
司儀　　　　　　　未定

Confirm photographer

眾裏尋他..兜兜轉轉始終都係confirm左我第一個搵的攝影師, 其實係我同我好友講要結婚, 佢就2話不說介紹左他俾我, 當時他報個價俾我都唔算貴..不過我個婚禮實在係有太多錢要洗, 都係想再平d..卞曷遲遲未confirm想再看看租嫁衣那裏的攝影可ok, 如果ok的話可以一條龍搞掂...不過睇完!我真心覺得真係每一間店都是有它的一項專長,所以攝影都是找回做攝影的好了, 而且我也真的很喜歡阿lun拍的wedding, 所以最後都係confirm佢, 不過都好彩, 原來他已經加了價, 但因為我是熟人介紹, 他quote返上年給我的價錢, 再送我 same day edit slideshow ^^

除此, 我不想再找回禮禮物和處理婚後晒相的問題, 因為要我再送返相俾賓客就已經係一件超困難的事...我本身年中無休的要工作,!!於是我又join左埋阿lun個即日晒相服務, 即日派相俾賓客當回禮禮身, 起碼大家唔會掉左自己張相掛~不過為左慳$1000大元, 我決定自己prepare d thank you嚟裝相...哈..其實我只係諗住問大舞台拎多3佰張帖封嚟做裝相算啦^^

我就係join左佢啦

Lun Tang
www.luntangphoto.com

CONFIRM左律師啦~

新的一年, 我積極指數標升啊~我份人一係唔做, 一做就要快!!!又搞掂左証婚律師, 我上網見大家的COMMENTS都不俗, 而且價值也不是相差很遠, 所以就你佢啦~

劉啟興律師

$3000 包晒所有嘢~OK 啦^^

傾過電話, 講嘢都幾交帶溫文^^

又放下一舊石~YEAH

confirm左3V排版

3-1-11, 新的一年剛開始又搞掂一樣....我覺得3V尼次影PRE-WEDDING真係十分之麻煩, 不停要請假上去, 點解唔可以E-MAIL聯絡呢!非常不合時宜, 前前後後要耗掉了我5次的請假!!!..算啦...希望佢哋拎相時不要出什麼差池, 我真的沒有多少假了><

話說今次上去睇排版, 全都是大少處理呢~事關我對這系列的相也沒多大期望, 試想下在兩人均是狀態最差的日子去拍的相片會有多好呢?不過大少有他自己的IDEA, 他竟然說還掂都不會很好的, 如其好像一般人節錄一些平凡的英文字句上去,不如就特別點, 在相簿中加入中文字吧!這的確很少見..其實我很怕會變"娘"的, 但他堅持!可能大家不知, 其實大少是個文人呢!他是從事寫作工作的!所以一直他寫的表達能力是比說的好好好好好好....太多了!....跟他說話很容易被他弄得半死...我也很驚嘆自己可以跟他相處至今呢!不過每次當我覺得不能再跟他共處時, 也是他所寫的文字救贖了我們的關係!不要看他如此麻麻煩煩, 他也寫過不少情書給我呢...是否很OLD SCHOOL? 不過我可以在他給的字裏行間知道了他的心思~所以今之的相簿中會節錄了一部份他寫給我的情書, 感覺上就好像一本我們的故事書~ 我還發現場內的工作人員也在公司的電腦SERVER上觀看他的情書內容呢, 好像看小說的樣子...HAHA怪不好意思的~

想不到我媽媽很BUY他這個IDEA, 因為她說, 場內大多是長輩親戚, 大多不懂英文, 寫中文大家也看得懂啊! HAHA..完全無諗過~不過總算搞掂~現在期待下一輯麥田的PRE-WEDDING我們兩人都可以健健康康,精神爽利地去拍攝~

秈完3V排版就去了隔壁的國貿廣場行一陣, 事關原來立興除了在筍崗開店, 也在國貿有分店, 而且價錢是一樣, 又行得舒服點, 而且又不用再搭車~於是又敗了一堆雜項~

我雖然不算瘦, 但我香港買衫大多時候都是穿S碼的, 而且我的肩位也是偏窄小那形..但這款睡衣的M SIZE 竟然是很合身, 那個肩位是完全合身, 一分也不多!!!

原本之前買了紙杯的, 但想想看其實我也沒有多少人要敬茶的, 而且這SET茶具太別緻了太平了, 結完婚也可以留給媽媽家中用啊~於是都係敗了

這個筆座是大少要買的, 我也估不到他竟然要買這個..HAHA有時他真的很像小孩子啦

再買了2餅銀絲帶, 不過唔知用嚟做麥, 買左先...4包利是封係老闆送的~

平平貴貴都要評一評

雖然少了出文SHOW敗家, 但其實化妝品我一直都在買, 因為我從未停止過追求完美妝感的欲望....平貴我都有買來試的..不過平心而論也不是貴就一定好用...就此平的也不俗啊~就等我同大家分享下其中一部份吧~

化妝品中, 我最愛買的並非眼影, 因為老實說化妝是要令自己變的更美, 而能令眼妝變美的來來去去也是那幾款!而我自己覺得底妝是最重要的!一張完美無瑕的臉, 塗上什麼顏色也都漂亮動人~

這款是屬於較平價的粉底, 好像$185...名字有高清字眼挺吸引的, 其實它出了很長時間, 我也買了很久的了, 但因為買的時間是夏天, 我比較少用它, 它是比較保濕CREAMY的, 夏天時我也只會用它幫一些皮膚較乾的人士上妝, 不過好像現在這樣寒冷乾燥的時間, 我連自己都合用呢~而且我覺得非常不俗, 保濕和遮瑕度也很高

今次入手的是因太貴而掙扎了很久的COVERMARK, 要五佰大元呢!!!老實說用了後沒有預期中的驚喜..當然也不是不好用..只是它的價位如此高會令我更有期待一點 , 它非常的薄透也很好推, 但如果有明顯的瑕疵和紅印, 要慢慢的遂層印上, 所以對我這種瑕疵較多的人, 它的遮瑕算是一般, 但很貼面是真的..但我自己覺得這款粉底用手上是最好的.不過據說是有很名貴的護膚成份在內, 所以用時對易長粒粒的我來說會較心安吧!

這款膏狀粉底, 是在一間專賣台式新娘化妝店買的, 號稱"魔術粉底"但一點也不貴, 好像$155...是挺方便的, 連遮瑕也不用了, 而且恢不會厚和乾, 當然保濕度一定不夠濕粉..但不會起乾紋的, 只要搽得均勻, 好多人覺得用膏狀粉底乾, 大概是因為上的時候, 粉卜不夠濕吧!!!

跟上面介紹的次序試上手的效果圖

推均後的效果其實不會有天壤之別!平貴少底是在於當中的成份吧~不過我是不相信化妝品可以護膚的, 可是我卻信有不會令皮膚變差的化妝品~不過我可以跟大家說這3款粉底我自己有親身試姅OVER3個月以上的, 連我這麼易生粒粒的人但也OK呢~

再來又是我很喜歡買的BASE~

LAURA MERCIER的透明BASE, 很出名吧!不過可惜, 因為這款是一套買時送的, 沒有得揀! 由於當中有控油成份, 我自己覺得太清爽了, 可能要待夏天或油性肌才合用~

這款超抵用的開架BASE 已是我第2次推介了, 因為太好用了, 真的很保濕, 連現在這樣冷的天氣用, 仍是如此好用, 令妝感貼服~才$69竟然效果如此好~我又用完了, 要補貨, 希望不要斷貨啊~

LAURA MERCIER的眼部遮瑕膏

這款遮瑕膏, 我個人覺得是需要一點技巧才會上得好呢~而且最好用掃上才不會厚, 但上前最好是要先WARM UP一下, 不然有點乾, 但遮瑕度都幾高, 可時我自己覺得有很多很好的選擇啦~

LAURA MERCIER的眼部碎粉

成SET LAURA MERCIER產品, 我最LIKE就係尼樣, 很細緻的粉餅, 夏天用可能都未咁覺佢好用, 不過一到乾燥天時, 最快起紋的眼晴就可以見證到尼款粉餅的威力, 真的比用一般碎粉來做眼底定妝來得透薄之餘, 亦令眼粉不會那麼易出..平時出JOB用在眼紋較多的人面上如像媽媽奶奶咁尤其明顯!!!

今次就分享到尼度..其實我仲有好多化妝品..如果大家喜歡, 下次再同大家分享我的小小心得~