難忘的wedding job

這個8月幾乎都是在忙碌中渡過, 可幸我也挺喜歡自己能夠順利完成繁重工作那份喜悅!!!就好像出差前我所完成的一項bridal job可算係我這個小小化妝師出道至今的一大挑戰!!!點解?事關由轉妝轉頭的平常時間20mins 改至15mins, 隨後再縮至10min, 最後的一套衫只用了5mins 呢!!!真是我的極速了, 點解咁趕?因為新娘子當晚預備了6套衫呢!雖然做得密密手, 但每次新娘一回房換妝時都會很興奮地跟我說在場的賓客位位都讚她很漂亮, 她很高興...我聽到其實比她更開心啦!!

新娘係全酒店最好的套房出閣, 個view確係唔錯, 仲好風和日麗~

新娘子Sugar一見到我就好緊張同我講5am先瞓, 又生左好多大粒粒..點算!?...放心放心.....你對我咁信任, 我一定出夠120分力去幫你係婚宴上留下美麗的回憶咖

Sugar穿左一條紅金色的裙子取代了傳統褂出門, 我也幫她set了一個中式頭去襯她專登買的頭飾~

這款頭不同角度,是有不同的細節的~

sugar的媽媽很年輕呢, 初時我還以為是她的表姊..haha 不過sugar媽真的很潮, 一早原來係facebook add 左我仲已經巡視左我d作品, 仲話很喜歡我set的頭和妝, 所以一早就mark左我當日幫她整呢~

下午去到宴會場, ....好開心第一次係婚宴當日同時見到自己的作品, 仲不停聽到旁人的讚賞....好感動!!!

這個其實係個旋風頭嚟咖, 可惜未夠時間行出去影清楚些,因為要幫其奶奶化妝set 頭啦~

新郎vincent一家都好funny, 我幫伯母整完, 新郎同佢細佬都不約而同話認唔到尼位係自己阿媽, 後生到好似佢哋啱先出世時個樣子..逗得伯母幾開心

接住再幫sugar轉妝啦~

姊妹花又合照, 大家都係咁明艷照人

恭喜晒..終於成為合法夫妻啦..祝你們永結同心, 白頭到老~

敬酒的髮型係sugar指定的長曲造形...果然係一兩位一條心, 連 pose都咁一致

返到家先記得最後轉左送客的妝同頭未影相就走左....不過sugar話遲d收到相會俾返我....真係大感激....又可以有d靚靚相^^