一路以來我的diy美髮道具史

其實未學化妝set頭時, 我就已經好鬼鍾意研究整我把亂草的方法~我本人並不太喜歡用熱捲器, 因為本身d頭髮質已經不太好, 所以一直都好熱衷於試一些捲髮芯,可以讓我洗完頭,捲住個頭做其他嘢, 臨瞓前一拆就有一頭有wave的捲髮. 下面好多都係日本一出香港未有時就已經賣來試, 不過真的要說這些髮芯真的壞出越優, 可以改善到前期髮芯的不足之處呢~

1) 初代海棉球, 之後出左好多唔同造型, 但功效一樣啦!

其實佢一d都唔適合濕髮造型, 因為捲入的頭髮完全埋入球中,中十世都唔乾, 就算用風筒吹, 熱風也難以吹入...所以佢較適合乾髮用捲住瞓覺, ..但我就唔係好慣頭上咁多波波咁瞓

2) 魔鬼貼髮捲筒(由左至右分別係, 前陰用, 髮頂用, 主髮用)

好明顯它最大的缺點就係勁痴甩d頭髮, 拆捲時令到d捲度散晒, 所以都唔係好like, 不過個效果確係可以好鬆!!!

3) 橡皮捲髮捧

好處係唔傷頭髮, 因為它的表面係完全光滑唔痴頭髮, 而且頭髮可以外露於面去受風筒吹而加強個捲度, 不過佢的缺點係較易鬆掉下, 而且如果頭髮較少或層次較多的人也難以用佢去捲髮!

4) 登登登.....最後尼個係我現在較常用的海棉髮芯棒(係香港買)才$29一包(6支)已夠我整頭用了

好簡單, 看圖識用啦~

隨住尼類產品層出不窮的更新變化, 尼款係我目前覺得最好用的, 因為佢可以完全唔痴甩d頭髮, 輕如無物之外又捲得好實, 而且頭髮同樣係可以外露用熱風定形~

我自問係個一心多用的人, 平時我會洗完頭, 索乾水抹上造型hair cream, 跟住就一路睇電視一路上捲, 就係咁捲住個頭做其他嘢, 通常臨瞓前仲微濕(因為我好夜先沖涼), 我就用風筒熱風吹乾它, 但千萬不要即時拆掉, 你可以令定等一陣cool down後才拆or轉冷風讓它cool down, 咁個捲度就好實在咖啦~

尼個就係拆左捲的效果啦, 但因太夜洗頭,時間關係, 所以唔係捲左好耐個頭仲係微濕, 當全乾後才更鬆 一點

希望大家覺得這小分享有用吧~