好多姊妹JOB, 搜尋失相中

臨近年尾, 工作量突然爆增, 挺忙的, 不過很開心..回想起人夾人緣, 真心待人, 別人一定會感受到~12月17日的OUJOB係我一年前的BOOKING, 新娘子係我的BLOGGER朋友, 我們第一次的相遇係我剛學化妝時她是我在網上邀約到的練妝MODEL, 就係一次的機緣, 她去飲時找我化妝, 甚至於好的大喜日子也在一年前我還是學生時就已經找定了我幫她的姊妹團化妝SET頭

以下係我係姊妹們的FACEBOOK到搜索返嚟的相, (P.S新娘子的妝不是我的傑作)因為每次我的OUTJOBS都很多人很忙, 真的沒有時間拍照呢..所以有很多JOBS都沒有REF了...如果她們沒有FACEBOOK的話><..好像剛完的12位SET頭OUTJOB就沒有相了/_\

當天係香港今年最冷的日子,我們就係香港最凍的地區恭迎新娘子出閣, 大家永遠記得尼個難忘的日子~

因為練妝我們成為好友, 亦很多謝你一開始就對我很信任, 眨下眼就一年了..很令人懷念我們的相遇, 你見證了我的化妝事業的起步, 令我不禁回顧返1年多前幫你的化妝照...時間就係咁過去了, 祝你要百頭到老, 永遠幸福快樂~

9/12 3V揀相日

好快呢, 由影完到揀相只不過5日時間, 3v的客服真係唔錯!是日我們請了半日假先到3v附近一間裝潢不俗的泰國餐廳醫肚,

大少一肚餓就呆呆滯滯的

很便宜!每一個set lunch都只不過約rmb30, 不過只顧吃唔記得影相呢!!

食飽就去揀相啦, 入到去按排係個電話卡位到, 每人限2個小時揀相, 服務員請我們把握時間...感覺好似考試..不過我們hea住嚟揀, 竟然不消1個小時就揀齊左下面咁多樣嘢~

30張15"相簿

20張7"相簿

18張7"相簿

30"大相

20"相架

12"相架(有4張相)

立體水晶座(有4張相)

簡直超高效, 連服務員都話我們真係好快...無計..3個景, 幾乎大少只揀一個景d相....拍得我較好的那些景..大少幾乎都表情薑硬眼睛也像沒張開的樣子...所以大少的理論就係, 我個d都仲有得執, 但他的眼睛執唔到張開的, 所以唯有就佢揀..唉...不過個日大家狀態差到咁...相片出嚟的效果都比預期中好好多啦...已經又預定左1月3號看排版....大少話再暘夕輯..不過下下咁成日要抽時間北上都幾煩下....

原來睇相時唔俾拍照, 所以我用手機拍左2張就俾人制止左啦..

跟住陪大少去左科學館站間書城睇佢果d金融參考書, 我都買左2本工作用的參考書~

然後再返去羅湖晚飯, 食左餐好抵食的上海菜, 大少由於今次的婚事才有少少的北上經驗, 所以一路話好平啊!..haha..好似大鄕理..睇嚟!日後我要帶佢周圍去見識下先得啦...haha

平民也可以抗衰老, 仲要係高清個隻~

"只需40秒或更短時間，妳的外貌最少回到10年前的模樣''尼句好似魔法一樣的口號係唔係好吸引呢~ 講緊嘅係萬0架上的鄗貴-就係來自加拿大的高科技針對性護膚品研發商Indeed
Laboratories Inc出品的突破性修復乳霜Nanoblur 40秒高清嫩肌霜。

尼款Nanoblur
40秒高清嫩肌霜來頭都好勁, 原為高清電影拍攝技術特別研發，為荷里裏活影星帶來即時的面部遮瑕方案。Nanoblur 40秒高清嫩肌霜
運用最先進的光學稜鏡技術，於數秒內擦掉老化痕跡，撫平細紋、皺紋、表情紋，緊緻鬆弛下垂的肌膚，收復粗大毛孔，甚至剔除惱人的色斑。配方蘊含勝肽和胺基酸，不含任何化學成份、防腐劑和SLS。

加拿大整容皮膚科醫生及多倫多大學皮膚科手術部副總監Nowell Solish醫生主理的兩項即時臨床觀察研究中，五位男士和五位女士將Nanoblur
40秒高清嫩肌霜塗於左臉，右邊臉沒有塗上任何產品。之後要求每壹位人士於40秒後，根據三項準則：紋理觀感、細紋和皺紋的外觀，與及毛孔外觀，為左臉肌膚的年輕程度作出評價。隨後向壹名獨立觀察人士發問相同問題。觀察報告顯示，Nanoblur
40秒高清嫩肌霜比被訪者的感知年齡中位數低出10.2歲。

跟售價高昂，30至60天才見效果的抗衰老精華素形成強烈比的，是Nanoblur
40秒高清嫩肌霜撤底改善細紋和肌膚瑕疵，效果幾乎即時可見，但佢的售價卻很平民啊..只需百多元。而且它不只這用於臉部，還可塗於頸項、手部，與及身體上任何部位。

講在咁耐, 睇下我的親身試用效果吧!今次我集中試係我頸上最明顯個兩條紋路上,
發現它填紋的效果果然不虛啊!你們覺得呢?

before

after 1 week

姊妹outjob

其實都係上個月的outjob....我經常堆積job相係無post啊..因為真的連打blog的時間都沒有了....再加上我常常的outjobs都是超趕的...不是5位就6位限2個小時內完成..所以幾乎好多時一化完都要秒速收拾裝備閃人, 那有時間還拍照!..hehe..不過最近一次, 我發現了個好方法,,,就係請靚靚的姊姊們幫我拍下jobs相做ref 呢~

以下就係一次早上的outjob, 一氣set了6個頭...真的停不了的手啊~spray都用了一大半..haha

不幸的3v影相日~

唉...4/12/10似乎是不利我們拍照的日子..先係我auntie突然到訪!!已經夠麻煩, 跟住大少的吼喘病發影前個晚無瞓過...><第2日佢又勁胃痛..原本我想影的那個酒店景..原來要預約, 但之前問佢哋可唔可以去個度拍時, 佢哋又無同我講要預訂...頂...總之totally不幸麻煩事都集中晒尼日啊...唉..但弓箭在弦..都係頂硬影啦...晨早托staff帶大少去買藥食, 食完係好d, 但成日都無瞓..個樣真係唔殘就奇啦...跟住我本身都肥咖啦, 再加上阿auntie...真係肥腫難分...shit><

今次幫我化妝set頭的係葉子, 我因為眼腫, 所以自己痴左雙眼皮去..佢話我好犀利, 完全唔覺係痴左..hehe..我撕左後尾佢幫我痴時, 我就發現, 原來我痴自己真係痴得唔錯啊~

塊面真係一個字....包..都唔明大家點解要呃我話我唔包啦..睇相..堅包><

第2個晚妝造型, 未加accessories

麻煩大少話佢超唔like尼個look, 但因為要襯我條裙, 所以佢竟然屈就自己啊...

 

最後的沙灘造型.....我最唔鍾意的look...唔知係唔係燈光問題, 起初第一眼都唔覺咁娘....後尾睇返d花絮相, 發覺自己娘爆...唉

除左影得好肥..仲要張張都影得個胸好勁..超唔鍾意..再加上大少佢話自己真係好唔舒服, 狀態很差, 怕自己無張相揀到, 所以佢話想影多輯...尼個的確係個問題..but影pre-wedding真係好辛苦..老實我真係唔係好like 影相..但我亦好唔鍾意勉強揀一d唔靚的相..希望偉大的執相可以化腐朽為神奇...final睇相其實唔係我們想像中咁差啦~

極速筍崗掃貨記~

揀完衫, 9秒9就跳上左taxi出發去香港人近年好鍾意買婚嫁用品的筍崗文具玩具批發啦..好快啊!只搭左16蚊人仔taxi~我份人不嬲無心機逐間搵, 而且都已經係批發啦..分散買最多麥平得幾蚊....所以我只鎖定了去好多人都推介的鵬鵬一間店就算了..於是連來回車程又係1個鍾都唔洗就敗晒尼堆嘢返嚟啦^^

間店其實好細, 我們都只係口頭話想買咩等老闆娘拎俾我們揀, 大部份都有2-3款揀嘅, 而尼d咁濕碎的嘢同埋要買幾多我都俾我好尊重的大少話事~

基本上要用的我都買晒, 係差睡衣係個間真係買唔落手..嘩...佢店中個一千0一款的睡衣...真係失傳多時60年代鄉民熱愛款啊...

買單竟然係$188..幾好意頭!老闆仲送左一包大利士封同回禮利士封俾我~

睇下..竟然我可以close到個行李箱..連過關時有個女警企圖想check我行李, 我堅決唔肯開啊俾我hea過左..大佬啊...尼d塞愜神工真係可一不可再咖嘛^^

掃完貨返酒店放好, 就去醫肚啦....結果又係食今個星期第n次的打邊邊咖!!!

尼間係近國貿站的一茶一坐, 阿大少食飯係要揀門面舒服咖, 所以尼間敆樣都靚仔..不過佢懶fusion咁..味道雖不至難食, 但談不上好食~

尼個湯底係啤酒嚟咖, 所以有杯酒用嚟加湯..我們覺得佢之所以變得無咁好食就係因為佢用啤酒做湯的關係><

我自己食的麻辣冷麵.....係一d都無麻辣...係無味><

我們的合照~

3/12/10 3V揀衫記

剛過去的星期五就係我一改再改的pre-wedding揀衫日, 次前睇人個blog好似要搞好耐, 所以一早向麻煩大少落重藥, 要呆等好耐咖....點知係超快一個鐘就搞掂, 不單上3v的staff, 就連大少都話我咁快嘅,啊大少仲同我講佢見隔離d新娘話要試晒店中唔同類形的衫, 點解我唔慢慢試?....因為我發現雖然3v內係有好多唔同的款, 但好多我睇相睇中的都唔係度..基本上都無咩心機試, 再加上件件着上身都差不多..沒有很好看也沒有很難看的.於是也任憑助手推介了....不過就發現自己真的很肥很肥><......唉!好唔開心

第一個場景要揀拖尾.......平時對本小姐什麼事都無咩意見的大少今次全程都好快咁揀左佢覺得邊件好...so尼個都係我咁快搞掂的原因~

大少揀左尼件

跟住揀for海景的, 要齊腳婚紗~

大少鍾意尼件

最後揀晚裝,要顏色sharp d嘅~

一睇黃色, 大少已經唔like

尼件一試大少就話靚, so finish~

從無諗過可以快到咁完成..so多左好多時間...於是加插左去筍崗文具批發吧~ 收穫請看下文延續篇^^