粒粒達人又試去粒新品啦~

粒粒又再次纏身了, 我D粒粒係暗粒多,即係發唔到出嚟又唧唔出, 但摸上塊面係FEEL到凹凸不平個種, 相信好多人都有尼個問題, 因為已經算係都市病的一種...好難斷尾, 以我多年戰粒經驗, 更WORK的產品連用2枝就會好似有了抗體般,開始無效, 所以就要停下轉用第2款, ...當然最好斷尾..但真係好難..因為要好多嘢配合..剩係要作息定時, 休息充足,已經做唔到了!!!所以都係搽嘢去控制~

今次試用的是CELLBONE 全新RETINOL COCKTAIL SERUM 維生素A淨膚精華-佢標榜有效對抗皺紋,撫平油脂粒,收細粗大毛孔. 維他命A醇一向被譽為改善膚質的良方,不過濃度太低對更新肌膚作用不大, 濃度太高又容易對皮膚造成刺激. CELLBONE全新推出的這枝精華就含0.25%維他命A醇, 能有效更新肌膚細胞, 撫平幼紋及乾紋, 並減退油脂粒, 全面改善膚質, 令肌膚平滑之餘亦更柔滑潔淨. 回復年輕肌膚的健康光澤, 配合維他命E & F, 肌膚柔滑滋潤, 充滿彈性~

而我收到時, PR還很貼心的送上一張咭叮囑此產品頗強效, 如果皮膚較薄, 一星期最多只能用2次, 因為可能會出現脫皮影響化妝~不過我太多暗粒了, 所以晚晚都用(只用於晚上咖咋)~
我自己收到試用品,一向都實話實說, 如果好用我會自己買嚟用(我經常買咖啦)所以絕不會因為你俾試用我就一定讚好, 因為即使無試用我亦唔MIND的, 我會真實地講晒試用的情形, 大家可以自己去 諗下啱唔啱自己用~
這款精華質地係好杰的GEL狀, 感覺帶點滋潤, 上面的效果有D似化妝品中的GEL 狀FILLER~

我自己本身有好多發唔出的暗粒, 用左之後, 我覺得佢加速令D暗粒發左出嚟, 易左唧出, 不過始終我不是專業唧粒粒的人...狠了點, 傷水大多DD, 不過真的易清了.

唧完的地方會平返唔會再凹凸不平, 不過就要等個傷口好返~

唔知關唔關佢事(因為同時都有用其他嘢)我皮膚白左好多, 但D印就仲要時間先退, 不過D暗粒就真的無咁多同易清左~
但它並不是很快見效那種,始終只可以晚上用一次, 不過感覺唔算乾並唔會有刺痛FEEL (以前用GEL PLUS個D會覺得刺痛感)

暫時我只用了2WEEKS, 晚晚用就尼個效果,未出現甩皮效果. 暗粒是少了, 但我本身真的太多..仍需要努力.