小小加工...回禮顯心思~

話說早前已經收晒d 果jam

同stickers~

昨天終於一路睇碟一路加工完畢~

當堂個好似街賣的果jam加了少少的加工, 就變得私有化, 有返個回禮精髓~ 尼個小小的加工只係每粒果jam多5毫子咋!!!

casual look~

人生太多事情想做但時間太少了~所以我常常都抄埋一碟咁做~例如裝身就係~我是一個很喜歡shopping買衫扮靚的人, 可是我又沒時間精力去搜羅…我連行街都係要順路先行….所以近年都係幫人幫店入貨時順便自己也買~hehe…我又有新衫可以着去honeymoon了~

全身都係平嘢!!!不過很好襯~新入手的紅色belt有點石成金之效, 而且喜歡它的粗度是比一般粗belt窄身些, 好啱我尼d腰短人士, 街大部份的粗belt太闊了, 我carry不到><

一件過的長t-shirt 當dress, 既可以着瘦人又方便, 不用襯^^趕出門perfect之選

嫌普通加件秘密武器- 墊肩top~

超級鐘意尼件墊肩打底top, 網面布料, 超透氣,打底唔會熱同埋夠薄, 而且小shoulder pad係可以拆除, 咁如果穿但領衫, 同佢作一件打底, 露出小小網邊領, 係幾有款的~

其實加左墊肩後, 成個shape會更加修長同瘦dd!

要自拍snap shot真的不易啊!!!不過都有樣好就係可以影得自在d^^

龍鳳披~

昨天媽媽拎了我其中一樣嫁妝回來...登登登登...就係龍鳳披..hehe..我同大少的生肖係名符其實的"龍鳳"....原來龍毯披都唔平, 不過買印花係平d 嘅而且易於清洗~ 龍鳳披是媽媽送給我們的禮物, 真的不想好破費!!!最衰大少買張咁大的床, 搞到要買最大的size先夠, 相對就貴dd...不過都比舊式織花的平了好多, 成set連披和pillow芯係千三~仲有免費繡名服務~

我比較喜歡尼種新式簡單d的圖案, 可以平時當紅色床單披鋪用返都唔係好怪~

仲送左成60幾個利事封^^

我都有湊下淘寶熱~

好多準新娘都喜歡上淘寶大淘結婚用品, 其實我都有上去research過, 不過幾經思量, 我自己要用的嘢係淘寶買又唔係慳得多, 但又要蒙受風險!!!所以好多都係現買..唯獨係尼樣真係係淘寶買就算連運貴都係香港1/4的價錢…唔淘唔得!!!

我係香港一d蜡燭批發見到最平的中size都要成around四十幾一個, 而且仲要平日的6點前去到買(因為係工廠)好果唔係要寄, 即又要加運費幾十蚊,因為重><….如果香港太子花墟就賣緊最平$78一支…wow….咁我起碼都要3支..即係要成差不多3舊….好唔抵law…做裝飾咋!!!….我要求好簡單, 只係要match返我其他嘢要用紫色…結果上淘寶…rmb$18…係3支law…..抵到爆…連運費都未買到一支hk的中size!!!!

而且店家仲好貼心地送左3粒配色的荼燭給我, 好啱用!!!因為我又係煩惱緊只係想要3粒尼d燭, 但一買又要買成pack..好漇….家下慳返….感覺上淘得好抵^^成功^^

唔知點解紫色影相出嚟繳左藍色...我企圖想tune返真實顏色..果然我真係唔識執相...較唔到原身

總之真身係似下面相的色啦~

來一抹鮮紅

平時都係黑沉打扮的我, 也來湊湊今季的colorful theme, 來一抹鮮紅令成個total look  simple得嚟醒神不少~

骨子裏..我是個accessories 狂

平時因為工作忙碌的關係, 我都很少精心穿戴, 更莫說配戴飾品, 但熱愛fashion的我, 又點會沒有儲accessories的基因, 由小到大我都很喜歡看和買accessories, 尤其鍾愛大件的accessiores...因為我覺得女孩子配襯大件飾品個種強烈對比更能顯出一份女孩子獨有的纖細的型格感~

我也酷愛vintage味道的飾品, 很喜歡那絲絲舊時光的浪漫~

除了懷舊feel, 我也很愛rock味十足的重金钃配飾~皮+金钃係我的至愛~

很喜歡真皮獨有的皮紋

印開有條路..hehe

話說次前搵sisi印完thanks you cards 之後覺得出少少錢...真係慳返不少人力物力..最緊要係唔洗煩...而且budget用自己siy不是相距甚遠...so 臨時轉呔...no diy 了, 又再幫襯sisi 幫我印製 wish tags 同 包裝果jam用的stickers...of course雖然我無咩要求, 不過都會俾d comments同埋親自修改下sisi send俾我的artworks, 咁樣我都算有投入過參與...hehe

由於原本我係想diy, 所以一早買齊左紙, 我見好多人去上環個邊買紙, 其實我讀design果陣就已經知道深水埗有間紙廠賣紙好平咖啦, 而且種類煩多, 可以+$10幫埋切紙, 所以我total用左$60買紕連cut紙, 可以夠做300pcs wish tags有多十幾張仲可以print埋table lists~

於是既然唔diy, 咁我就俾紙sisi整, 所以好平, 佢只收我$300~如果我自己印剩買墨都唔止尼個價, 而且仲無得熨尼種金屬紫咁grand~

除左紙,其實我仲係深水埗買左一roll 銀色lurxy 幼帶, 好平一roll好似廿幾三十..不過要小心,原來唔係間間店都咁平, 去到深水埗我第一間入左去一間叫飛龍行的店問,竟然一roll要將近100元..crazy!!!

自己穿完後的樣子~

我本身係大陸已經買左一棵銀色的wish tree, 不過包好左唔想拆開, 所以借家中的富貴竹度一度位, 到時綁上wish tree個樣就係咁, 都ok ar...個背面又夠位寫嘢, 就算寫大字都ok~

除左wish tags, 因為臨時買左果jam代替飲宴中最後果道橙兼做多份回禮, 等影唔切相拎唔到即場派相的賓客都有嘢拎到...結果係比budget平左..於是我又請sisi幫我印多份sticker嚟包裝下d 果jam...估唔到尼個仲抵...才$160就有300pcs...加埋d 果jam都係仲平個訂橙!!!好開心..又靚d!!! 唯一可惜佢不能整圓形.....不過算....改下個design..又可以有另一種感覺~

不過太忙了, 收到d 果jam同stickers都未得閒開嚟痴...稍後再upload d 完成相俾大家睇

烈酒撐場~

終於買齊所有酒水了~ 係酒水尼個項目上我非常成功地慳左好多錢~今次買的人頭馬vsop暫時係我知道最平的價錢了~才$260一枝(果度賣d酒真係比坊間平一截售價, 店名係寶強洋酒-近維景酒店), 大方得體^^不過老實講我預左尼兩枝烈酒好似吉祥物般放係個婚宴度撐下場, 應該無人飲, 所以都唔買多, 2枝做下樣算~..哈…結完個婚後,再放返出去, 應該都有人要啩~

訂埋紅酒了

上星期日出開旺角順便想完成埋酒尼個項目, 事關我覺得join大舞台酒水要埋紅酒的話要成$800一圍係超唔抵,貴了$200一圍, 暫定22圍即係要俾多至少$4400.... d酒又唔係好飲, 再加上成18圍都係長者唔飲個喳.....極度唔抵join...於是決定自己訂酒...上網research之後決定去幫襯有得原價回收用剩買多了的紅酒的新翹行-sun's talent(係金都隔離)

值得一讚他們的service很好, 無論你訂幾枝還是幾十枝, 他們都一絲不糾地招呼同俾左好多實用的意見給你, 絕不會為了要賺多錢而hardsell你, 以我為例, 我真的不好飲酒, 最好係近乎果汁般的酒就最啱我(of course咁就唔係酒啦)!service我們的職員很用心的由最light去到最濃的,層次不一的介紹給我們同埋俾我們逐一去試..佢都suggest我們請飲的紅酒首先要過得到自己才可以過得到人, 所以自己都要飲得到為佳...所以我尼d飲酒 bb 班..試極都係覺得第一款最light 最fruity..haha亦係最平個款最好飲...無計..貴嘢我反而覺得好難入口...結果好抵咁以$49支買左30枝酒.個職員仲怕我們訂多左.係咁問會唔會十幾枝就夠, 幾老實~totally $1470(包免費送貨)比join 酒水平了二千多..而且只要訂多過12枝, 他們可以原價回收返最多8枝...but 我估飲剩都應該會留返自己飲, 事關仲平過超市買又好飲d, 而大少平時都飲下紅酒ga, 因為怕飲啤酒有肚腩~

順利完成後原本想去下一站買2枝烈酒...點知休息...又要再搵日平日嚟多次旺角買酒