炎夏中綻放c curve 光芒

近期我簡直靜於深海...因為好多事煩擾, 再加上我部相機又正值維修中..所以每次想出文時都總是提不起勁..秋天未到,莫非我就已經在這個剛至的炎夏中染上抑鬱症.....不過如果再唔出文, 新文都會變舊文呢..希望一直支持我的你們仍未忘記我吧~

話說上星期二我趁着出JOB前的上午好高興的拖着篋(好似搬屋咁)出席了 Kanebo Coffret D'or Summer10的發佈會, 一去到見到滿場精緻的新品就已經很興奮呢~ 

今季Kanebo Coffret D’or以塑造「Beauty Curve」完美曲線為主題，全新眼影將運用纖細光澤營造眼部的C Curve曲線，突顯面部立體輪廓,展現高貴美艷的側面輪廓, 就好似代言人-柴崎幸, 廣告中的親身演繹, 真係靚到令你眼光只能停滯係佢面上~

最新系列的眼影色其實同上個系列的色都好相近, 均是穩陣實無實手的色, 不過既然係新嘢緊係有些不一樣啦~佢今次的組合加一左c curve base, 係用左"濕色"的做法, 即質地係介乎粉同cream之間, 既有柔滑光澤, 效果亦持久貼服~其本上整組眼影都很上色也很貼服, 很少有眼線色(即最深那隻色)是那麼的貼服顯色, 個人覺得比她家旗下的lunasol較顯色, 不過就沒那麼閃, 是較柔和的珠光效果~而且價錢也較平呢$250

我試左05khaki green和04peach beige

還有限量的5款幻彩閃爍的單色眼影推出, 超多閃粉, 而且好有春夏的感覺~

而佢新出的LIQUID GEL LINER好特別，　因為佢柔合左GEL同LIQUID眼線的特點，所以鮮明易畫, 又好防水防油, 仲加入左天然骨膠原(竟然LINER都有, 好勁!!!), 我個人覺得除左藍色之外, 都真係幾好用~

扭紋刷頭,兼具捲曲力的Mascara Base與極緻豐盈Mascara的雙頭睫毛液~

我試左PK-153粉紅閃+SV-15銀閃甲油再加GEL MODE TOP COAT

真係KEEP到成個星期都唔花, 佢個防刮花功能真係幾WORK 啊~

仲有日籍化妝大師AT SAKAI現場為MODEL KELLY FU化左柴崎幸廣告中的妝容~

大會仲好貼心的送了一套新品給我試呢~真是非常感謝~

咁多樣產品中我最最最喜歡的就是這盒胭脂, 很喜歡她有深淺色之餘, 邋布一個HIGHLIGHT 色, 而我最喜歡它的HIGHTLIGHT色不是純白而是帶很輕徵的粉紅色, 其實是很MATCH我們黃種人的膚色, 要來打亮眼底, 可以令成個妝感好乾淨~

貪得意的一張相,其實是幾恐怖的雙頭照..哈哈..可以看到胭脂真的很甜美自然呢~

 

總於可以影到我個C CURVE啦~手機影係差D咖啦

 

P.S希望大家喜歡這編文...但願今個星期可以取回我的CANON S90

grad dinner

剛過去的一週可為謝師宴週, 身處一班學生群中可以乘機感受下久違的學園生活......回想我久遠時期的謝師宴同現在的真是相差甚遠...當時連相都唔想影啊...

可愛的客人們還於過後相繼留給我感謝字句...其實應該係我謝謝你們在這麼重視的日子裏找我化妝...

在此祝你們前程錦繡, 精彩人生~

老實說近日來我的心情真的烏雲密佈..收到你們的讚賞多謝語句可算是驅走我不少陰霾....

13/6 MAKE UP

由於學校放工時間的練妝位實在極難BOOK, 我又不想只有出JOB的時間去段練化妝技巧, 我個人覺得OUTJOB是要對客人負責出售自己最好的SERVICE而不應該是用來磨練自己的技巧,當然可以累積經驗啦!

所以我開始不定期會在SUNDAY較有空的時間在家進行一些練妝活動, 可幸都頗多人踴躍參與幫忙做我的MODEL~今次就有請我的靚靚MODEL出場, 她是第一位留言參與的人呢~

不老不再是傳說

人之所以會老是因為隨年紀漸長., 細胞的分裂速度會相對減緩, 而除了正常的減緩速度, 還有外來的因素而加快衰老的速度(如環境, 情緒, 飲食, 生活習慣等)….但是否代表要我們只可以靜待衰老光臨我們的面上, 而揮別我們的黃金歲月呢…..當然無可能啦..我的目標係要中女似少女, 老年都係似一個高雅美美的女人仔….haha..幾大貪..不過又似乎並非無可能, 原理上只要加速組織細胞和免疫細胞的分裂, 就可以抗衰老, 如果能再加快過你所消耗的就更能為你的肌膚狀態升呢, 甚至更勝昔日的你….

而我非常幸運的可以參與JBP日本頂級胎盤素CURACEN ESSENCE療程試做,首先SHOW下係海逸酒店發佈會的相…

這個療程由於是採用人類胎盤素, 所以極其矝貴, 價值$3800一次, 是次亦是我第一次嘗試做微針, 本來一般人第一次做都會用D細小些的針頭約0.5MM, 但靚女顧問話我的皮膚都幾差建議用1MM的針頭, 效果會明顯些..唔知係唔係粗針些的關係..真係有些不能忽視的刺痛, ROLL完後, 難以想像只用了5MINS就已經在我的面上造出超過200,000個微小孔, 不過就是這些微創可以做出大量佩細管道，令活性成分有效滲入皮膚刺激骨膠原增生，而不會破壞皮膚表皮層，從而喚醒及提升肌膚的再生功能，有助減退皺紋, 淡化色斑、柔滑嫩膚、 收細毛孔、改善皮膚質感、撫平暗瘡凹凸洞、調勻膚色及增加皮膚彈性啊!!!所以面上的小小刺痛就算得上什麼, 而且當FU 完個極級補水的鎮定MASK, 就更是什麼感覺都沒有,只有冰冰涼涼的水潤感呢~

除了這個TREATMENT. 同時間我也試用了2個星期的GHC美白潔膚皂和胎盤素修護乳霜

首先講下個皂:

連個皂都有胎盤萃取物,D 泡泡都算多, 而且仲好乾淨但一D都唔乾, 非常喜歡

胎盤素修護乳霜:

首先一開嚟試用時有點不慣它那似芝士的味道, 顧問說那是胎盤素的味道…不過用慣了又OK, 因為它…真的….很WORK, 它還有角鯊烯成份, 可以直接修復衰弱肌膚之親細胞, 加速細胞新陳代謝, 促進膠原蛋白再生, 使肌膚回復光滑彈性, 它可以只局部搽眼但我太貪心了,全面都搽

好啦..講左咁多,,等我SHOW下我個嚇人素顏先…大家唔好再讚我皮膚好啦..我係詐騙黨一員-上左妝同卸妝後判若兩人

(未做TREATMENT前早上拍)

做完當晚拍的, 真心我係覺得D毛孔細左好多, 個眼圈又淺左, 隻眼仲提升左, 整塊面都有光澤左

 

P.S在此很多謝這次JBP試用活動的主辦單位同THEZTYLE的體貼, 為左當中一些溝通上的小失誤, 竟然FREE多一次咁名貴的TREATMENT俾我試做...真係THANK YOU VERY MUCH^^

 

物理學防曬~

肌膚約28天的新陳代謝周期, 而底層的黑色素會隨着代謝逐漸往肌膚表層推進, 與老廢角質一起剝落, 但若代謝速度趕不及黑色素沉積速度, 就會產生曬斑, 想剷除它們, 一定要配合防曬和淡斑產品. 而常聽到的物理性防曬同化學性防曬到底分別係咩?前者是為肌膚築一道牆, 反射掉UVA, UVB, 如添加二氧化鈦,氧化鋅等,適合過敏與敏感肌用.化學性防曬則是將進入肌膚內的UVA,UVB一段段吸收過濾,其劑型通常較清爽質感,適合怕油膩,容易長痘者使用,但針對敏感脆弱肌膚恐有些刺激,常見有水楊酸鹽, 麥素寧濾光環XL, 二苯甲酮, PARSOL1789等.

CELGEN 並非一般的品牌護膚產品，整個產品系列是建基於二十多年皮膚科學及幹細胞治療研究的功能性高品質護膚品，完全貫徹了STC LIFE 的功能性化妝護膚品的理念：不只是簡單的皮膚護理，而是針對特定的皮膚問題提出解決方案。CELGEN 持續改善您的肌膚，煥發健康活人光彩。

而今之我試用的係CELGEN Sun Protect SPF30 防曬露SPF30  70G

適合所有膚質，特別是需要水份乾燥及老化皮膚

它能保護皮膚免受紫外線的照射，增添亮麗

具有抗菌和抗老化的功效

以桂皮酸鹽作為天然的抗紫外光成份]

**佢應該係屬於物理性防曬, 用後有保濕感不像一般防曬容易令皮膚乾燥, 所以我用它取代了平時的日霜+BASE, 很方便呢~

養成防曬習慣為肌膚落好防護閘,係浄白肌的首要必備啦~